蟹仙海鮮蒸氣鍋 (龍崗道)

營業中

休息中

一入到舖頭，店員會熱情推介，再用蒸氣消毒左碗筷先，店員會推介好多唔同嘅套餐同講吓有咩推介嘅時令海鮮，聽佢講海鮮都係新鮮空運，最後揀咗個刁鑽二人套餐，總共有10款嘢食，另外仲有個粥加糖水。前菜蟹皇海蜇微脆，感覺凍啲會更好味。跟住再上係好吸引嘅龍蝦刺身同埋北極貝加牡丹蝦，刺身甜口新鮮，好鮮味，推介一定要食北極貝。跟住再上有鮑魚，青口，韓國蠔，蝦同埋紐西蘭刀貝蚌既蒸海鮮拼盤，海鮮全部都好大隻，正👍有唔同嘅款式每人一隻，好豐富，姐姐話青口係贈送，見佢咁大隻，平時唔食佢嘅我都俾咗次機會，吾會好似平時青口既腥，好濃郁嘅青口同海水味。跟住再上我最期待嘅龍蝦同埋蟹，兩者都膏，龍蝦肉質彈牙，蟹肉清甜又有邪惡嘅膏，都大隻既😍😍最後食埋蒸蔬菜，同埋個粥底。最後食埋甜品，為完美嘅晚餐畫上句號。