板神鉄板燒日本料理 (信和廣場)

今日同朋友黎到板神食lunch～餐廳裝潢雅緻，分作鐵板燒及壽司吧等不同區域，而且座位舒適，店員服務質素好好。餐廳推出全新午市套餐，每款都豐富吸引，性價比高～🍱板神弁当 $480前菜、沙律蒸蛋天婦羅刺身（四款、附金槍魚腩）壽司（四件）銀鱈魚西京燒美國牛肉薄燒麵豉湯甜品/咖啡堅果沙律香口開胃；天婦羅有蝦、蕃薯及南瓜，香脆大件；刺身包括拖羅、油甘魚、帆立貝、赤蝦，四款都新鮮鮮甜，非常好食👍🏻而壽司有真鯛、烏賊、依左目、右口魚，食材鮮美；銀鱈魚西京燒魚肉嫩滑，帶有奶油香；美國牛肉薄燒內裏包裹香蔥，帶有肉汁，富油脂香～🍣特上手握壽司御膳 $580附手握壽司12件、麵豉湯或稻庭烏冬(熱/冷）。真係每一款都非常好食高質素💕大拖羅肥美富魚油；黑睦、右口魚肉質軟腍；赤貝爽彈；依左目、深海池魚厚身，而且魚油豐富；真鯛質感柔軟；烏賊黏口富口感；牡丹蝦大隻彈牙；帆立貝、白蝦鮮甜；海膽超好味❗️稻庭烏冬亦係彈牙煙韌～🌟 #優惠情報 🌟而家惠顧板神便當或手握壽司御膳，加$1即可無限添飲純米大吟釀虎滴清酒，入面有微碳酸，飲落更有淡淡果香，優惠限定1000支架咋，有興趣可以係優惠期👉🏻3月1日至4月30日去試下～