Metal Steak (已結業)

去完PMQ, 朋友話要帶我食扒餐，不是普通快餐店或懷舊扒房那種，而是貴價高質。入到一間細細的扒房，門口有大螢幕顯示餐牌。或者這裡是全港最少選擇的餐牌，僅有共六款選擇，貴精不貴多。 朋友極力推介要試這裡的近江牛，雖然價錢較貴但一於試試。今晚便揀了200g, 再加$30要個餐， 即有飯、 湯、沙律同飲品。這裡特色之一便是付款後即時到開通廚房的窗口看著廚師把即場切扒，以確保新鮮。 等了不用10分鐘，大大份的近江牛扒餐終於出場！ 近江牛跟佐賀牛、神戸牛並稱為日本三大和牛，肉質特色為脂肪細膩緊實度高，色澤鮮艷， 被譽為頂級霜降牛肉。店員還介紹木台上附有的香草白酒醬及辛辣赤麵豉醬，用以配和牛味道一流。這時香味已經撲鼻，急不及待立即試試。一向不喜歡食太生，今次叫了四成熟。近江牛入口果然嫩滑多汁，口感鬆軟的同時亦有濃濃的肉香，名副其實夠哂juicy。我亦有試試朋友叫的美國安格斯西冷扒，口感跟肉質均跟近江牛有明顯分別，果然一分錢一分貨！綜合餐廳環境、服務態度、價錢和食物品質四大評分準則，推介指數有8.5分（ 10分為滿分）。