影片
更多
2021-10-26
59 瀏覽
香港人鐘意食拉麵，除左湯麵之外，沾麵都係熱門既拉麵種類。所以沾麵既鋪頭愈開愈多，沾麵店主打既味道都層出不窮。今日就黎左呢間喺尖沙咀既人氣沾麵店，試下佢地既豪華湯底。餐廳易搵，尖沙咀厚福街，大家都應該知點去。成條街都係餐廳，每逢食飯時間都人頭擁擁。沾麵店都唔係例外，我以為自己都算黎得晏，但都要等位先入得，好在都唔洗等太奈。果然係主打豪華既沾麵，龍蝦、海膽、鮑魚同蟹黃樣樣都有，就揀個極上芝士蟹黃沾麵黎試下，海膽湯底拼個芝士焗蟹蓋既沾麵，唔知係咩味道。等左一等就上菜。沾麵既湯用整到熱哂既石鍋裝住，確保佢上菜既時候係滾住咁上，用麵去沾湯既時候都盡量保持到個溫度。海膽湯聞落咸中帶d甜，而且一畢就畢到有海膽。麵既份量唔惹少，大大個碗裝到半滿。仲有四塊叉燒、半隻溏心醃蛋、紫菜、筍乾同香蔥。湯滾熱辣，熱到飲唔到，即刻夾塊叉燒黎食下先。叉燒既size對我黎講岩岩好，一啖一塊。叉燒肉肥瘦均勻，口感唔錯。叉燒咸咸地帶甜，出面既醬汁再增添左d甜味，味道唔錯。蔥花新鮮，又唔會勁辣味。筍乾都幾好，口感爽脆，又唔會好勁筍味。湯開始唔係滾到起哂泡，就係時候飲啖同沾麵黎食。湯同想像中既味道相似，咸中帶甜而且好濃郁，仲有
餐廳易搵，尖沙咀厚福街，大家都應該知點去。成條街都係餐廳，每逢食飯時間都人頭擁擁。沾麵店都唔係例外，我以為自己都算黎得晏，但都要等位先入得，好在都唔洗等太奈。
果然係主打豪華既沾麵，龍蝦、海膽、鮑魚同蟹黃樣樣都有，就揀個極上芝士蟹黃沾麵黎試下，海膽湯底拼個芝士焗蟹蓋既沾麵，唔知係咩味道。
等左一等就上菜。沾麵既湯用整到熱哂既石鍋裝住，確保佢上菜既時候係滾住咁上，用麵去沾湯既時候都盡量保持到個溫度。海膽湯聞落咸中帶d甜，而且一畢就畢到有海膽。
麵既份量唔惹少，大大個碗裝到半滿。仲有四塊叉燒、半隻溏心醃蛋、紫菜、筍乾同香蔥。
湯滾熱辣，熱到飲唔到，即刻夾塊叉燒黎食下先。叉燒既size對我黎講岩岩好，一啖一塊。叉燒肉肥瘦均勻，口感唔錯。叉燒咸咸地帶甜，出面既醬汁再增添左d甜味，味道唔錯。蔥花新鮮，又唔會勁辣味。筍乾都幾好，口感爽脆，又唔會好勁筍味。
湯開始唔係滾到起哂泡，就係時候飲啖同沾麵黎食。湯同想像中既味道相似，咸中帶甜而且好濃郁，仲有粒粒比較瘦身既叉燒粒喺入面同埋有海膽肉。湯杰身，好容易就沾滿麵條。用麵去沾都食到海膽既味道，當麵混雜到海膽肉果陣，海膽味就更上一層樓。至於麵就同普遍食過既沾麵相似，都係粗身硬身偏啡色好有咬口既麵。特別有咬口既麵除左食到麵香，都會令到沾滿湯既麵冇咁易令人食到膩。新鮮蔥花既香味同爽脆感都令到成個沾麵冇咁膩。
另上既芝士焗蟹蓋配飛魚籽，既增加左豪華感，又可以增加沾麵既食法。了d蟹肉蟹膏撈麵一齊食又得，加d飛魚籽增加口感又得。芝士填滿個蟹蓋，焗得夠乾，又香又脆。
湯可以無限加，不過我都係加左一次。因為食哂成兜麵，已經夠飽到捧住肚走。餐廳仲會送一包紙巾，夠哂貼心，仲有個達摩公仔喺上面，幾可愛。
元祖既豪華型沾麵，係好似帶d港式既風格。但其實喺日本既拉麵都唔止限於果四種基本款湯底，愈出愈多款式。所以我都期待香港拉麵鋪都會研究同嘗試去整更加多唔同特色既湯底。
張貼
