影片
更多
2021-09-26
40 瀏覽
早兩日和同事放工後相約一齊晚飯,於是去咗厚福街揾好野食。同事問有冇興趣試吓呢間元祖沾麵,佢之前食過都覺得唔錯,所以就入去試下。舖頭入面裝修都好有日本風格,每一枱都有透明膠簾阻隔其他食客同店員,防疫措施都做得幾好。坐低睇到個menu見到個極上芝士海膽沾烏冬,有成板海膽跟餐咁多非常之吸引,所以叫左嚟食。一大碗嘅烏冬有叉燒、醃筍等配料,另外用石頭窩裝住熱辣辣嘅濃香芝士汁睇落已經好邪惡！再加上成板上嘅海膽,感覺好豪華。彈牙嘅烏冬同芝士汁好夾,令每條烏冬都沾到金黃嘅芝士汁,好濃好惹味。而呢度嘅海膽亦幾新鮮,食落有海膽獨有嘅鮮甜味,比一般出面連銷日式餐廳食到嘅質素高,一大板好抵食！以晚餐嚟講質素ok,價錢合理又夠飽肚,坐低個環境氣氛仲有種去左日本食店嘅感覺,如果下次經過會再嚟試下其他款式嘅沾麵。
舖頭入面裝修都好有日本風格,每一枱都有透明膠簾阻隔其他食客同店員,防疫措施都做得幾好。
坐低睇到個menu見到個極上芝士海膽沾烏冬,有成板海膽跟餐咁多非常之吸引,所以叫左嚟食。一大碗嘅烏冬有叉燒、醃筍等配料,另外用石頭窩裝住熱辣辣嘅濃香芝士汁睇落已經好邪惡！再加上成板上嘅海膽,感覺好豪華。
彈牙嘅烏冬同芝士汁好夾,令每條烏冬都沾到金黃嘅芝士汁,好濃好惹味。
而呢度嘅海膽亦幾新鮮,食落有海膽獨有嘅鮮甜味,比一般出面連銷日式餐廳食到嘅質素高,一大板好抵食！
以晚餐嚟講質素ok,價錢合理又夠飽肚,坐低個環境氣氛仲有種去左日本食店嘅感覺,如果下次經過會再嚟試下其他款式嘅沾麵。
張貼
