喜鍋 海鮮.點心.活刺身 蒸氣石鍋專門店 (已結業)

潮流興食蒸氣石鍋, 但係想搵間質素好、海鮮新鮮, 而又坐得舒適嘅的確唔容易。幸得朋友介紹, 去到尖沙咀新落城嘅商業大廈, 品嚐下高檔海鮮石鍋滋味之處。室內裝潢相當舒適, 樓底高, 魚缸內放滿生猛海鮮, 鮑魚、星斑、龍蝦一應俱全, 見到咁多咁正嘅食材, 就知道呢餐一定滋味十足!係餐牌細心挑選過海鮮及美食之後, 侍應就為我地準備好醬汁, 包括醬油、蒜頭、辣椒、泰式辣醬等等。在烹調海鮮之前, 先叫左個淮山魚肚蝴蝶腩粥底, 放係電熱窩嘅底部, 吸收整晚蒸海鮮嘅精華, 留待壓軸品嚐。六頭南非鮑魚由南非直接空運到港, 只係用上蟲草花和薑絲調味, 盡量保存著鮑魚本身的鮮味, 經過5分鐘係竹藤下蒸熟, 再用刀叉進食, 入口時啖啖肉, 感覺非常滿足。切落去嘅時候非常容易, 質感非常彈牙, 選材實為非常高質!南非開邊龍蝦, 以蒜茸作調味, 並無奪去龍蝦本身嘅鮮味, 反而更加突顯出海鮮嘅味道, 份量夠相當大, 每個人都可以品嚐到爽口彈牙嘅龍蝦, 絕對值得推介!順德蒸污糟鮮雞, 雞肉配以紅棗、冬菜、香蔥一同烹調, 味道點會唔好XD 肉質亦相當嫩滑, 足夠細味香濃肉味, 值得一讚嘅係蒸煮後, 並無太多雞油出現,