宴 尖沙咀

營業中

休息中

喺【宴】食松餐火鍋放題，所有野食都係任食，胡麻、醋同豉油都可以任攞。以下就係食放題嗰陣必攞既野食。首先係醬油湯拼豬骨湯既湯底，鮮甜既醬油湯底，有住醬油香味同埋甜味醇厚既口感，可以帶出食材既風味。而豬骨湯底十分濃郁，香味十足而且係完全冇豬肉既腥味，香濃好飲。必食既緊係呢度既日本豚肉，肉質實淨而且又好有光澤，口感柔軟，多汁而且帶有清爽既甜味，烚熟咗之後都蓋唔過豚肉既味道。食完豚肉之後黎啲時令野菜拼盤，將所有嘅野菜放喺湯底入面，等湯底吸收晒所有野菜嘅鮮甜味，令到湯底嘅味道更加昇華。跟住就係刺身拼盤，整體刺身都好新鮮，帆立貝食落口感好爽口，左口魚肉質幼嫩好食，三文魚肉質含有淡淡嘅海水味同埋魚腥味，但係唔會太重，而且有一種特別嘅清香味。日式火鍋緊係唔少得特上宮崎和牛，放入口就可以食到和牛既肉質有幾正，入口即溶，口感極致順滑，味道更加係鮮甜冇腥味。重點係呢度嘅松葉蟹係任食，食落去會有實淨蟹肉既口感，唔使調味，蟹肉非常新鮮美味，係必食既食物。