豪華咖啡茶廳

營業中

休息中

根據飲食網站的提供，今日去咗灣仔莊士敦道226號嘅豪華茶餐廳搵食。 雖然個名叫“豪華”，但係事實卻剛好相反，係“經濟”至啱！ 裝修已經好陳舊，門口仲搭咗幾張枱，方便食煙嘅顧客。裏面嘅食物勁平，豬扒併五香肉丁通粉都只係$16，反而杯奶茶要$10，比例上貴咗D，就睇下$26食到D乜！豬扒：另外碟上，大大件，味道可以，但肉質醃得太淋，失咗原有嘅紋理；太油膩，碟底全是油。五香肉丁通粉：味道唔錯，都幾多肉丁。奶茶：普通，飲唔出有乜特別。後來先知道呢度另一樣出名嘅係油占、奶醬多士……再去一次！呢次我點咗以下食物：奶央、油央多士：唔係咁多地方有咖央多士食，不過奶央、油央嘅組合就無乜火花，下次都係食返油占、奶醬多士。 講返件多士就非常厚身，份量十足，但係就咪預佢係脆卜卜嗰隻，只係有D烘過嘅香味，麵飽唔鬆軟而係傳統有咬口嗰隻。 六蚊件真係抵食！另外點嘅雪菜魚柳米粉都好抵食，十六蚊，件魚柳又大又厚，而且仲係自製嘅，外面嗰層係脆蛋漿而唔係慣常嘅麵飽糠，幾特別！總括來說，豪華茶餐廳的質素過得去，以平、抵取勝。