阿一豬扒酸辣米綫 (已結業)

又係煩惱午餐食咩既中午，今日同事介紹一間距離公司較遠既米線舖，話要開拓我既眼界，咪成日去我既飯堂譚仔喎😅⋯咁好啦唯有去會一會「亞一」冷落吓「三哥」啦🤣四個人都叫咗招牌既—阿一豬扒酸辣米線🤣加配紅豆冰😊米線方面我叫咗少辣，辣既程度對我黎講係啱啱好，配上紅豆冰就啱啱好❤️講返米線個評價先，米線既外表一睇明顯比一般既粗啲，食落真係有驚喜！佢令我聯想到紅薯粉，佢既口感有微微既Q彈⋯真係好味喎👍另外個豬扒份量都好大，個個都一塊大豬扒，同行既女同事話下次再黎要碎上🤣咁大塊⋯好難就咁食喎🤣$47就有一碗咁足料既米線加一杯紅豆冰，我肯定我會再返黎囉😏