The Salted Pig (新都會廣場) (已結業)

朋友係附近返工，就去咗葵芳間分店到食，位於新都會商場入面，非常之方便，我地主力都係嗌豬嘅菜式食，因為出名🤭店員見我地多隨身嘢就安排3人枱比我地，多張椅放嘢👍招牌德國鹹豬手豬手話就話二人份量，但加埋其他配菜，我覺得3個人食都夠，個皮好夠脆，肉質係輕易咬得開，平時自己整會比較韌，加埋酸菜食，又可以解膩，呢到整得幾好食，果然係招牌菜式，我最後係食唔曬要打包走慢煮醬燒豬肋骨好耐無食豬肋骨啦，嗌咗份食，除咗中間條骨之外，其他都係肉，個醬汁酸酸甜甜，幾開胃，下面有大量嘅薯條墊底，幼身但非常之香口凱撒沙律除咗生菜，再加埋煙肉乾、小鯷魚、麵包粒一齊，食咗咁多肉，要食返菜平衡吓，味道正正常常