HeyYO!! (已結業)

一直都係呢間雪糕店嘅會員，但係平時都係購買雪糕蛋糕為主，好少幫襯佢地嘅乳酪。不過上年續會嘅時候，得到左幾十蚊現金券，即將到期。遇著週六天氣非常悶熱，所以醒起佢地家嘅乳酪。坊間嘅乳酪店不少但仍然保持以自助形式嘅少之有少。自助形式好處係客人可以選擇自己喜歡嘅乳酪口味、配料，以重量計算價錢，自由度較高，亦都有唔少人享受當中揀下揀下嘅過程。但個人就唔太喜歡呢種形式，一來花多眼亂，乜都想揀，最終會點？咪愈揀愈多，價錢好貴囉。二來，通常自己揀材料，都係hea hea地裝入碗中，基本上無賣相可言。總結，我都係因為有現金券先食。乳酪味道冇記錯好似有六款，原味，士多啤梨、蜜瓜、阿華田、藍莓等，選擇算多。配料方面都係水果、餅碎、朱古力等。自選乳酪 $50揀下揀下就已經50蚊，哈哈。乳酪我揀左原味+蜜瓜味，香甜，不過都溶得幾快。配料揀左芒果、椰果、杏仁、oero碎。其實味道真係不俗，但我「筆」得好核突，而且唔平。