九咪餐廳 (已結業)

久不久就同老婆一齊去九咪撐檯腳。首先，杯清茶都算係香濃，有誠意。多數食西餐，味道有水準。西餐湯，周打魚湯有蘑菰有魚肉又濃，唔係純白色的水溝粉，已經唔易搵。羅宋湯好多蔬菜，不過有時唔夠熱。晚餐會跟牛油多士。我自己鍾意煙三文魚蒜片炒天使麵，算乾身，冇醬汁卻都夠味，唔錯。老婆就鍾意意大利香草雞排跟意粉，意粉底係事先用茄汁炒過的。雞排都算大塊，雞皮煎得乾身。可另跟黑椒汁。牛排有時會出事，超韌，撞個一次板就冇再食牛。中式好似有小菜叫，不過我地甚少食。餐廳外觀係石屋仔，算係幾特別。有糖水送，晚晚唔同。