生昌潮州海鮮酒家

營業中

休息中

琴日忽然好想打邊爐, 然後上 openrice 搵下心水....見到有間好想試下, 點知........眼太大睇錯地址 = =!最後去左 "生昌" 打冷算....orz細細個已經久唔久會黎 "生昌" 食下飯..呢度既小菜碟頭一 D 都唔細, 千萬唔好眼闊肚窄~我地 2 丁友都係細食之人, 打算叫 2 個餸應該已經夠...可惜花多眼就亂, 樣樣都想食, 揀黎揀去, 結果.....要左 3 個小菜 = =!<<因為內堂滿坐, 所以今次坐左露天位, 有 D 熱>>- 鵝肉 ($65)- 鹵水 3 拼 "豬腸頭 拼 墨魚 拼 豬頭肉" ($70)- 豬油渣炒通菜 ($48)- 藍妹 x1 ($25)等左大約 15 分鐘, 有野食!!!鵝肉 - 賣相好靚, 下面鋪左層厚厚既豆干, 肉質唔算淋比較多肥油, 而個汁有少少過咸...鹵水 3 拼 "豬腸頭 拼 墨魚 拼 豬頭肉" - 豬腸頭好淋但唔太入味, 墨魚好爽口, 豬頭肉亦夠咬口...豬油渣炒通菜 - 豬油渣炸得唔夠乾身, 所以唔夠香口, 香味散發唔出令通菜淡而無味, 整個菜亦過油...藍妹 - 夠凍, 2 支以上