浜焼き (已結業)

是晚同朋友小聚，睇openrice見到尖沙咀開左間日料新店，評價唔錯，決定來嚐鮮。雖是樓上鋪，但大廈指示明確，唔會蕩失。上到4樓，門口接待的適應非常熱情有禮貌，帶我們入去一個安靜的角落入座。店內裝潢很有日式風情，特別係類似居酒屋的櫃檯，師傅們都著鯨魚衫，配上藏青色門簾，讓人以為真的到了日本。餐牌製作精良，日文佔據大部分版面，如果中文字可以大隻啲就好了🙈前菜選了火炙比目魚沙律。賣相十分！沙律菜同牛油果十分新鮮，仲有魚子，魚油配合比目魚肉口感更濃烈。火炙的比目魚魚肉更勁道，很彈牙，一口咬下去還有小小肉汁，沒想到如此美味。最特別的係沙律汁，除左普通的沙律醋，仲有啲鹹甜味，但又唔係豉油味，卻將沙律菜的鮮美襯托出來，過口難忘。跟住係刺身。一個字，鮮。三文魚腩肉質肥厚，沒有筋塞牙；劍魚腩清脆爽口；比目魚刺身與火炙又有唔同口味，肉質晶瑩剔透，在口中咀嚼很滑膩。點餐時見到刺身價錢不平有點猶豫，但吃完後完全被震撼了。自家製玉子燒，個樣好得意，三角形。層次豐富，外層滑嫩的玉子，隔一層紫菜，再加入一層芝士，內裏是蟹肉，一口咬下去，層與層之間互相粘連，多重口感一次享受，推介！重頭戲，海鮮燒。其實一入座便被桌上