EL CID西班牙餐廳 (已結業)

相識十載既朋友生日,當然要同佢慶祝下,朋友住係附近,咁就行左入黎幫襯。兩個男人一定唔會細食,點左三款菜,辣汁什麼酒煮蜆,西班牙燒豬,二人份量既西班牙海鮮焗飯。蜆一向是我的喜好之一,呢度既蜆都算大隻,雖然話用辣汁煮其實唔係好辣,蜆肉入晒味,好食到停唔到口。至於點西班牙燒豬,係因為有西班牙係前面,所以好奇點黎睇下有咩分別。香港平時食乳豬係以食皮為主,貪佢夠脆,若鍾意食皮既係呢度就一定會失望。皮係腍,亦有點勒,不過豬肉就夠晒嫰滑,正。西班牙雞肉海鮮飯,落料十足,飯上插滿了大蝦同青口,賣相已很誘人,而飯本身亦味道十足,再者每啖飯都食到其他配料,$260一個焗飯亦算是有所交待。服務方面亦算交足功課,青春可人既侍應招呼殷勤,換碟頻頻,兩個人共換碟相信冇十隻都有八隻,濕毛巾我只係抺了一下手又換,兩個人食餐飯換左成打濕毛巾,其實我係覺得有點浪費。連埋飲左兩支啤酒, 埋單共$579