申子居酒屋

營業中

休息中

呢日同屋企人去左銅鑼灣呢間日式餐廳食lunch ，餐廳既環境幾好。依家做緊午市套餐買一送一，好抵食。今次點左壽喜燒牛定食，送鰻魚玉子丼飯。鰻魚勁大條，望落去既色澤都好靚，肉質亦都實淨唔鬆散。套餐仲跟左配菜同麵豉湯，正。壽喜燒有牛同豬揀，今次揀左牛，湯底有好多菜、菇同豆腐，非常健康，而且湯底味道香濃，撈飯食一流！小食方面，點左一口芝士黑豚卷，豚肉包住芝士拎去炸，一啖咬落去，層次豐富。買一送一之後都幾抵食，得閒可以再encore。