影片
更多
2021-02-18
1622 瀏覽
之前已經食過佢地聖誕節出嘅薑餅人曲奇 係爸爸公司送嘅 覺得都幾好食 所以記住咗個名上網搵先知原來係社會企業 係東華三院嘅麵包店 專係訓練同聘用殘障人士 同時主張健康飲食👍🏻今日黎開堅尼地城 所以順便去佢哋舖睇吓有乜包同幫襯下位置比較偏僻 起堅尼地城站C出口出 過馬路然後轉左 一路直行到尾街 之後就會見到麵包店橙色嘅外牆店舖大細都算係咁上下 有張枱仔俾人坐低食嘢近窗就放曬啲麵包 望落去好似唔多款式 但係睇真啲其實選擇繁多架有預先包裝好嘅各款方包同餐包 🍞亦有個櫃專放啲用黎送禮 靚靚哋 一盒盒既曲奇餅🍪當然都有新鮮麵包 有好多都好吸引😍例如芝士麻薯波波 迷你腸仔包 玉桂香蕉合桃包 bagel 菠菜紅椒包 黑糖肉桂卷 (個肉桂卷好大個好靚 望落又好軟淋淋 心郁郁想試 不過又想食鹹包）最後買咗個幾特別 其他麵包店少見嘅枝豆七榖長包 ($13)睇個樣都幾吸引 又望落幾健康🙈Size屬於中形麵包 比大麥包細 但係因為佢長 所以又比一般有餡麵包大 大概係2個餐包拼埋咁大啦麵包夾落比望落去硬身攞上手都feel到外層厚身啲拎到返屋企忍唔住試吓放咗入焗爐整一整熱佢 基本上係冇焗過😂只係暖一暖入面真係有一粒
上網搵先知原來係社會企業 係東華三院嘅麵包店 專係訓練同聘用殘障人士 同時主張健康飲食👍🏻
今日黎開堅尼地城 所以順便去佢哋舖睇吓有乜包同幫襯下
位置比較偏僻 起堅尼地城站C出口出 過馬路然後轉左 一路直行到尾街 之後就會見到麵包店橙色嘅外牆
店舖大細都算係咁上下 有張枱仔俾人坐低食嘢
近窗就放曬啲麵包 望落去好似唔多款式 但係睇真啲其實選擇繁多架
有預先包裝好嘅各款方包同餐包 🍞
亦有個櫃專放啲用黎送禮 靚靚哋 一盒盒既曲奇餅🍪
當然都有新鮮麵包 有好多都好吸引😍
例如芝士麻薯波波 迷你腸仔包 玉桂香蕉合桃包 bagel 菠菜紅椒包 黑糖肉桂卷 (個肉桂卷好大個好靚 望落又好軟淋淋 心郁郁想試 不過又想食鹹包）
最後買咗個幾特別 其他麵包店少見嘅枝豆七榖長包 ($13)
枝豆七榖長包
$13
34 瀏覽
0 讚好
0 留言
睇個樣都幾吸引 又望落幾健康🙈
Size屬於中形麵包 比大麥包細 但係因為佢長 所以又比一般有餡麵包大 大概係2個餐包拼埋咁大啦
麵包夾落比望落去硬身
攞上手都feel到外層厚身啲
拎到返屋企忍唔住試吓
放咗入焗爐整一整熱佢 基本上係冇焗過😂只係暖一暖
入面真係有一粒粒枝豆💕 仲保持住枝豆既味道同口感架 已經遍佈麵包
麵包肉層相當軟熟 好淋 又好有咬口
而且因為用咗七殼麵粉 除咗望到啲雜穀之外 食落都有啲小麥既質感 好得意
唔知點解覺得佢入面個味道好似嘉頓切片冇邊白方包味😗質感同樣咁軟 但係又唔會太空氣到好似唔係食緊野咁
至於外層 個人覺得面部真係硬咗少少 要俾啲力咬 不過低部幾好食嘅 幾煙韌既口感亦有少少似法式餐包/baguette口感
所以可能如果我焗耐啲 令佢脆少少會好食啲 只可惜我太心急 肚餓起上嚟忍唔住 等一分鐘好似等成世咁😂
不需5分鐘食晒成個包包❤️
唯一係食完之後非常口渴 可能係佢相對落鹽落多咗 比較鹹
-
佢啲麵包 曲奇餅質素幾好
款式新穎 真係有興趣試低糖抹茶曲奇同玉桂卷🤤
店舖環境乾淨整齊
服務態度亦幾好
價錢一般 可能會貴少少咁多 但係支持下社會企業 貴$2-3冇乜所謂啦! 加上有質素就咩都抵
大家不妨試試 佢都有幾間分店
麵包店就堅尼地城 上環
餐廳就金鐘 灣仔
佢啲breakfast lunch tea set 望落都幾豐富架 價錢又唔貴 好值得幫襯！
(可以去佢哋ibakery website睇佢地嘅產品同餐牌）
張貼
