影片
更多
2024-01-11
62 瀏覽
平時喺香港出去食過正宗嘅壽喜燒，人均差唔多$1000，今次嚟呢間觀塘駱駝漆上面嘅平民和牛壽喜燒，人均$500唔使就食到成個套餐，配料好豐富超飽！佢有幾款和牛可以選擇，每款都有幾個部位，同朋友嚟一人嗌一個套餐，就可以試晒幾款肉！餐廳環境光猛企理，採用日式木系嘅裝修，而且仲有店員幫手烹調壽喜燒料理🥢，坐喺度等食就得！💕------------------------------🐂◖日本赤身和牛◗ $468🐂◖日本霜降和牛◗ $498赤身即脂肪含量較少的部位，肉味強烈❤️，呈較少的油膩感，適合肉味愛好者；霜降和牛油花分布呈現大理石紋，肉質軟綿幼嫩，油脂齒頰留香😋，油脂感愛好者建議可以試呢個！🥗/前菜- 話梅汁嘅車厘茄配冰菜，車厘茄仲好細心去咗皮；和牛可樂餅入面包咗唔少洋蔥，略嫌牛肉較少；和牛牛肉配大根，牛肉好軟腍入味，蘿蔔超甜冇渣，絕配～🥩/赤身和牛牛肩-牛肩眼見脂肪較少較平均，牛肉味濃啲，但口感好creamy肩胛-牛肉味相對最濃，油脂最少，口感唔會韌，肉味愛好者減肥人士必試！🥩/霜降和牛肉眼-油脂分布平均，油脂感偏強，切得偏厚口感好正西冷-肉感偏強，脂肪大部分喺邊位，肉味係霜降和牛之中最
------------------------------
🐂◖日本赤身和牛◗ $468
🐂◖日本霜降和牛◗ $498
赤身即脂肪含量較少的部位，肉味強烈❤️，呈較少的油膩感，適合肉味愛好者；霜降和牛油花分布呈現大理石紋，肉質軟綿幼嫩，油脂齒頰留香😋，油脂感愛好者建議可以試呢個！
🥗/前菜- 話梅汁嘅車厘茄配冰菜，車厘茄仲好細心去咗皮；和牛可樂餅入面包咗唔少洋蔥，略嫌牛肉較少；和牛牛肉配大根，牛肉好軟腍入味，蘿蔔超甜冇渣，絕配～
🥩/赤身和牛
牛肩-牛肩眼見脂肪較少較平均，牛肉味濃啲，但口感好creamy
肩胛-牛肉味相對最濃，油脂最少，口感唔會韌，肉味愛好者減肥人士必試！
🥩/霜降和牛
肉眼-油脂分布平均，油脂感偏強，切得偏厚口感好正
西冷-肉感偏強，脂肪大部分喺邊位，肉味係霜降和牛之中最濃
肩胛芯-油脂感幾強，肉片切得比較薄，令到塊肉可以入口即溶
沙巴當-油脂分布最均勻最多，但估唔到肉味又保持到濃郁，個人最鐘意這個位，有油香又不失肉味，又名上肩里脊，必試！
🥬/野菜拼盤呢個拼盤都好足料，香菇、蔬菜、芋絲、京蔥、蓮藕、豆腐都好好味，師傅會好細心慢慢煮熟佢，超入味，特別係蓮藕同豆腐，蓮藕超爽脆，豆腐先用火槍燒過又香又嫩滑！
🍛/特式飯點：呢個飯超好食！佢拎一碗珍珠米倒入壽喜燒鍋入面燴煮，索埋殘餘嘅牛肉精華，再加上雞蛋令到佢口感更滑溜，最後加上紫菜飯素同芝麻，成碗飯好綿好香！
🍨/是日甜品
豆腐雪糕，每人有一大球，個人覺得比較似豆奶味，略嫌偏甜少少～
🌟 Encore指數：9.1/10
張貼
