影片
更多
2021-05-21
344 瀏覽
上網見到有好幾個youtuber 介紹午市任食點心放題$98一位（輝哥私房菜），d評語唔差。於是就book左今日去食，book位係需要網上一次過俾哂錢。真係不可一不可再，中左個大伏！貼錢買難受，食完就知道輝哥都俾左好多廣告費去落廣告。地方唔算難搵，搭lift上到2樓一出lift就見到間鋪，間鋪好細間裝修有d簡陋，入門口左手邊有一部大電視，電視係播放住無線新聞台。一坐低就聽到隔離枱有個食客要求換過籠蝦餃，傳菜阿姐竟然話：人都有分好睇同唔好睇嫁啦！冇得換嫁！（語氣都頗為惡劣）甘我就開始點嘢食啦，點心紙唔記得左影，但點心款式唔多，可以落單點嘅點心款式夾埋30款都唔知有冇。寫好單，揮極手都冇人應，最後自己出門口落單。坐坐下竟然要搭枱，但其實當時仲有其他吉枱，先唔理間鋪嘅顏色，疫情下甘樣安排，似乎唔多妥當。（利申：我二人同行）講返d點心先，外貌望落去都冇乜嘢嘅，食落都係熱嘅。但味道真係好一般未去到難食，但食完一round根本唔會再想翻點。送左碟乳鴿，一人半隻，隻鴿好特別地一開為2，味道冇乜野，但就真係好乾身，鹽同醋都冇。講到最特別係舊桂花糕，望落去係桂花糕嘅樣，但食落去個質地完全唔係糕，難以形容
地方唔算難搵，搭lift上到2樓一出lift就見到間鋪，間鋪好細間裝修有d簡陋，入門口左手邊有一部大電視，電視係播放住無線新聞台。一坐低就聽到隔離枱有個食客要求換過籠蝦餃，傳菜阿姐竟然話：人都有分好睇同唔好睇嫁啦！冇得換嫁！（語氣都頗為惡劣）
甘我就開始點嘢食啦，點心紙唔記得左影，但點心款式唔多，可以落單點嘅點心款式夾埋30款都唔知有冇。寫好單，揮極手都冇人應，最後自己出門口落單。
坐坐下竟然要搭枱，但其實當時仲有其他吉枱，先唔理間鋪嘅顏色，疫情下甘樣安排，似乎唔多妥當。（利申：我二人同行）
講返d點心先，外貌望落去都冇乜嘢嘅，食落都係熱嘅。但味道真係好一般未去到難食，但食完一round根本唔會再想翻點。送左碟乳鴿，一人半隻，隻鴿好特別地一開為2，味道冇乜野，但就真係好乾身，鹽同醋都冇。講到最特別係舊桂花糕，望落去係桂花糕嘅樣，但食落去個質地完全唔係糕，難以形容！
再講下服務先，食食下又聽到d侍應鬧人，上菜好粗魯，空投點心。
食左45mins頂唔順走人，出門口埋單俾人大嗌話我走數未埋單😓為免俾人拍片，我大人有大量所以冇即時小返個侍應。甘我上網冇俾到錢訂枱又點入到黎食呢？做服務業我明白係辛苦嘅，但又係咪應該拎d食客黎出氣呢？說話上言語上係咪應該修飾一下d用詞呢？
個人認為$98一個人係完全唔值，再者10%服務費完全唔值收，根本冇任何服務可言😓
張貼