彩晶軒

營業中

休息中

本人體驗同好多其他人寫嘅食評一樣，服務態度奇差！職員愈高級態度愈差，可能因地點較方便生意唔錯關係，加上可能中小形飲食集團無乜管理文化，根本一副唔憂做、唔願做的態度。食物方面，選擇少，無特式，質素一般。茶包淡而無味，就算加多一包茶包都係偏淡。所謂飲茶，最緊要啖茶，但偏偏宜家好多酒樓都忽略咗茶嘅重要性。可讚嘅係地點方便算最大賣點，位處元朗站內。環境還可以，餐具目測算清潔。但最大問題係服務態度，真係不敢恭維。如其他人所說，無下次！