一哥點故 (已結業)

有日突然好想食點心，所以就同朋友去左呢間食，其實之前已經好想食，但次次都總係有原因去唔到食。春風得意腸👍🏾👍🏾入面係脆卜卜既油炸鬼，好香口，係略嫌個皮厚左少少姐，但整體都算唔錯，可以一試！薑蔥牛柏葉個牛柏葉好入味，好好食，又有咬口！但唯一唔好嘅係個牛柏葉太大舊，會有啲難咬，如果係小朋友/老人家就要慢慢食。五指毛桃燉豬骨呢個燉湯好飲，應該冇乜味精，但我覺得又冇乜特別，想飲湯既都可以叫一盅。蟲草花上湯牛肉球我個人覺得牛肉球都係同鮮竹襯啲，加埋喼汁就更加Perfect，所以我上湯就麻麻地。千島醬脆皮蘿蔔糕呢個蘿蔔糕幾特別，食落有啲似章魚小丸子嘅味道，不過記得唔好放太耐先食，如果唔係脆皮蘿蔔糕就會淋左🙈🙈紫薯流汁煎堆仔👍🏾👍🏾呢個好食，值得推介！出邊係一層好煙銀嘅紫薯皮，入面係流沙奶黃，好食！懷舊燒賣皇咁多樣嘢食來講，我對個燒賣係比較失望，唔好食，可以唔使試🙈🙈草莓桂花糕呢個幾特別，估唔到草莓同桂花有幾襯，同埋個質地都幾硬身。椰香黃金糕👍🏾👍🏾呢個超好食！平時喺出邊好少食到，黎呢一間真係必食，佢入面係蜂巢型，個質感超煙銀，又唔會太甜。😋😋😋🤤🤤健康燕麥糕👍🏾👍🏾開頭叫呢一個嘅時候諗住會中伏，點