金鶴拉麵 (荷李活道) (已結業)

放工約左友人食飯，唔知食咩好，經過金鶴拉麵，知佢有數間分店，拉麵賣相好有氣勢令人記得左佢，趁今次就試下，7:00到去到，時間尚早唔太多人。裝潢以黑色主調，昏暗燈光，有點似西餐廳，以拉麵店來講，坐位都算幾闊絡。餐牌，糾結一陣都係揀招牌貨。金鶴‧雞白湯拉麵，$98，人氣之選。賣相十分豐富，奶白色的湯底，少許稠身，味道濃郁，有點漏，拉麵尚算彈牙，有兩片白雞肉嫩滑，叉燒鬆化，溏心蛋正常水準，炸脆牛蒡口感脆，有微微的牛蒡獨特味道。五花腩肉(2串)，$48，香口惹味。味道正常水準。