竹虎京堂

營業中

休息中

竹虎京堂既食物收費好似 M記甘。唔同主食轉做定食套餐要加十至二十幾蚊，但係定食套餐都係固定一個茶碗蒸，一個焦糖布甸同兩個小食。好似我叫既月見黑豚腩咁，加配做定食套餐要加二十蚊，但係同行友人叫個牛肉加十蚊就可以轉做定食套餐，真盞鬼。上菜見的擺盤幾靚咁，飯用竹筒裝住，好精緻好有儀式感。可惜食落絲毫冇半點竹筒嘅清香味，只係一筒普通既白飯。麵豉湯罕有地放左d蝦乾同魷魚切片，有啲咬口， 但飲落嘅味道就同一般嘅麵豉湯差唔多。最後嚟到我哋嘅主角月見黑豚腩， 蛋半生熟撈飯一流， 黑豚腩肥瘦適中，調味都叫唔錯。依餐整體嚟講都幾滿意，每一樣食物質素都叫 中規中矩，但係又冇乜話邊一樣食物令人特別印象深刻， 如果唔係喺開依頭返工 ，應該都唔會特登過黎。