Co-Dining Space (已結業)

今日同好姊妹喺海港城 shopping, 商場入面嘅食店又多人又有冇得先book位，所以識揀我哋就預先訂好呢間樓上西餐廳， 血拼完馬上過去位置方便。裝修以白色為主令人感覺舒服明亮， 我哋兩人order咗一份前菜，兩份主菜，一份甜品同兩杯飲品。前菜方面我哋叫咗法式薯蓉焗田螺。 田螺已挑好， 鋪放在混合了芝士的薯蓉上， 方便易食，連旁邊嘅沙律菜都新鮮美味。主菜方面我哋叫咗招牌黑松露蟹蓋焗意大利飯 以及黑毛豬串燒配甜番薯條。咁意大利飯賣相精美， 靚到要即刻要影相先， 飯全部放在蟹蓋上， 蟹蓋底下鋪了粗鹽。 意大利飯軟硬適中，加上放在頂的蟹肉， 好睇又好食。西班牙黑毛豬串配甜番薯條， 黑毛豬肉質鮮嫩 ，燒的時間同火候掌握得很好， 再加上中間的清甜車厘茄， 食落清新，感覺健康。 番薯條出面比較少見，本身帶甜，可以唔需要點醬。飲品方面我點了菠蘿薑味梳打，厚玻璃杯上有壓紋，再加薄荷葉點綴，靚爆。甜品方面叫了女仔最愛的Brownie 配雪糕，Brownie味道十分不錯，加上核桃，不會甜到漏。士多啤梨雕花，好有心思，藍莓又大粒又甜,份量挺大的，足夠兩人用。埋單都係5百幾，坐得舒適，位置又便利，可以再去。