榮哥廚房私房菜

營業中

休息中

今晚約左一班好耐無見的朋友食飯，友人上網找找吃什麼時，就揀左依間「榮哥廚房私房菜」。位於官塘工業中心3期，D出口一落樓梯就見到，升降機係舊式的，要用人手開關門。餐廳的裝修簡單，光線柔和，適合三五知己聊天聚會。前菜有涼伴黑木耳及岩鹽花枝豆，同埋茶燻流心蛋伴黑魚子醬配厚切茄子，賣相一流，流心蛋流心狀明顯，蛋黃味香，魚子醬味較淡，但我唔食茄子，旁邊的配菜都好特別，有酸甜的梅子、柚子味的蕃茄仔同埋有胡麻醬的新鮮蔬菜，不比主角遜色!  湯有兩款，我揀左原盅燉川貝陳皮海底椰鱷魚肉湯，近日天氣轉涼，氣管敏感有幾聲咳，依個湯好足料，有螺肉及元肉，加埋川貝陳皮，清清地，潤喉一流。蝦球水芙蓉，又係靚靚的賣相，水芙蓉係超嫩滑的蛋，蝦球大而彈牙，口感好~遠年新會陳皮骨，炸至金黃色，香味濃，厚薄度適中，有咬口，唔會太硬，易食!仲有個靚靚的椰汁糕做總結，淨係賣相都令依餐加左唔少分。