名代宇奈備長炭燒鰻魚飯專門店 (iSQUARE國際廣場) (已結業)

呢一間鰻魚飯成日都聽有人推薦，非常出名，今日經過呢度於是就去咗試佢哋嘅鰻魚飯。見到有一個set係有三種食法嘅鰻魚飯，所以就嗌咗。呢一個set有一個鰻魚飯，亦都可以當茶漬飯咁食，又或者當係鰻魚壽司咁樣㗎想芥末食都得。鰻魚的確係非常之入味同埋燒得香，不過就唔係話非常之驚喜，只可以話佢嘅水準係有保證嘅，二飯粒亦都非常之有咬口，係好大粒嘅珍珠飯，食晒啲鰻魚之後將啲飯加埋一啲嘅茶漬落去變成茶漬飯，即刻變成另一種風味，個人認為呢一個食法幾有創意，但係價錢其實都合理，間中食一次都OK