小曼谷泰國美食 (教育路)

營業中

休息中

之前睇啲條款唔清楚，無端端做咗pandapro會員，點知啲優惠唔多啱用，冇乜着數，後尾發覺指定餐廳堂食有七五折，今日搵咗呢間試，折咗之後算幾抵，回到本。因為都比較早去，所以唔駛等就有位，餐廳唔算大，但係都坐得算舒服嘅，研究咗一輪餐牌，叫咗一個黃咖喱牛腩，泰式干炒豬肉片河，泰式蒜蓉包，青檸菠蘿沙冰，蒜蓉包好快到，忍唔住食咗片，都幾香脆，豬肉炒河唔太油好味，黃咖喱牛腩份量比較少，但個汁好正，幾片蒜蓉包好快就食完，後尾想叫碗白飯送，但老公想試菠蘿雞肉炒飯，所以就叫咗，食埋之後就有啲飽，青檸同菠蘿啲味好夾，沙冰透心涼，值得試，另外見到佢哋嘅炸蝦片好大包，$25價錢唔貴即刻叫咗包，即埸食咗幾片，好食。埋單要加一，折咗之後$283，真心唔貴，質素中上，值得再試。