大門橫丁串燒手打烏龍麵店 (已結業)

行完金魚街，就到附近食店揾食，聽說大門橫丁頗有名氣，就黎試下先。極上牛肉地獄手打烏冬 $66好有霸氣嘅名！地獄湯底十分辣，但唔係死辣個種。開頭食唔覺辣，越食越上引，食到底要走左啲湯先掂。牛肉一般，烏冬亦唔見得有咩特別，蛋最有驚喜，溏心，入味，好味吖。串燒菠蘿 $20燒走左啲水份另菠蘿十分甜，燒過又香口。串燒盛 $62串燒盛有四樣野，鵪鶉蛋，雞亦，雞肉加燒汁，雞肉加芝士。餐牌上鵪鶉蛋有五粒，但上枱得四粒。燒過嘅蛋令外面變得硬身，但入面仲好淋，唔錯。另三款雞其實分別不大，味差唔多，雞亦肉嫩，但雞粒就乾左啲，有啲柴皮。好彩早到唔使等位，出面好快就好多人等啦。雖然好多客等位，但店員都無强迫人撘枱，又幾好喎，坐得舒服。