客家好棧 (已結業)

今次十二點零去食個點心午餐，裡面客人唔算多到爆棚，所以任我哋揀坐邊張檯。客家好棧嘅點心選擇都幾多，我哋一共叫咗五款。呢個個餡係綠豆蓉，熱辣辣，食落口好鬆化，同埋成個邊都有芝麻包住，幾香口。菠蘿叉燒餐包就麻麻地，包底有輕輕煎過，唔錯。包面嘅脆皮完全唔脆，軟腍腍，而且叉燒餡好少，三個包加埋嘅餡都冇一個包嘅份量。茶菓個皮有咬口，黏下黏下幾有嚼頭。餡係花生，食落去都有花生香。鮮蝦腸個皮拉得好滑，不過就唔算薄，蝦都ok大隻，鮮味就話有你都唔會信。碗仔翅幾好，都算幾足料，而且夠稠身，不過唔夠熱。總括嚟講，佢算係中規中矩，點心普通，並無特別不妥，同埋出點心夠快，三數分鐘已經送到。