東海堂 (已結業)

士多啤梨控！東海堂每年都出好多唔同水果做主題嘅甜品，每年我最期待，亦較少令我失望嘅就係士多啤梨系列喇。最搶眼嘅當然係鮮紅色初熟嘅日本士多啤梨啦，大粒就講唔上但係的確熟嘅程度剛剛好，帶點鮮甜，而且口感比較爽滑，呢二十零蚊好大程度比得心甘情願都係因為佢😂鮮忌廉唔算太甜，而下面粉紅色嘅就係士多啤梨味道嘅慕斯，香味強過甜味，所以我非常鍾意，下邊白色嘅蛋糕過得去都係鬆軟嘅，但就冇乜蛋嘅香味啦，不過呢樣嘢見仁見智亦都有人係比較鍾意蛋白嘅味道嘅，中間紅色，正方形狀嘅就係士多啤梨味嘅啫哩，QQ嘅口感，喺軟滑之間有中和嘅作用，咬落去一啖過就已經有幾種唔同嘅口感，都幾滿意。至於紫薯味我覺得可以用原汁原味嚟形容佢，因為啲紫薯蓉真係冇加任何糖，食得出成個質感好原始，蓉好creamy，賣相相對遜色一啲，但係唔鍾意水果味或者唔鍾意太甜嘅人，亦都係另一個好嘅選擇。一句講曬，我偏心鍾意士多啤梨。😂🍓