影片
更多
2018-06-04
77 瀏覽
之前淨係聽過哈利波特主題餐廳，但原來尖沙咀仲有魔衣櫥餐廳！！環境營造出一種好詭秘既感覺，一岀電梯真係嚇咗嚇，暗黑既燈光，仲有個放住女巫袍既衣櫃係面前，再入一個門先到餐廳~今晚有2個set可以揀，每個set(價錢不同)都可以揀5個courses 或者3courses. 咁我就一個set 揀咗5 courses ($450) 另一個揀 3course($350)。頭盤分別有馬賽海鮮湯，咸咸地又好清甜既湯，煮住蜆肉同青口，仲有一舊煎香咗既魚塊，好有法式既味道。另一個湯係粟子忌廉湯，用淆咗好耐既雞湯同粟子蓉一齊煮，成個湯好濃好稠，栗子同雞味都好岀，飲落唔錯最後一款係西班牙鬆脆配鵝肉醬，鵝肉食落咸咸的，配埋火箭菜同法式多士食都係一種幾開胃既小食。而主菜都做得十分精緻。有慢煮野生灰鯛魚，唔知係咪因爲野生同煮法既緣固，條魚係好滑好嫩，而塊魚既皮係煎到脆一脆，連埋魚肉食仲正另一款係慢煮法國黃雞胸，係用不足100度既慢火煮好多個鐘。所以肉質係估佢唔到咁滑。唯獨少少美中不足係入面好似未完全熟透。但讚既係旁邊既自製薯蓉係好滑仲要超重薯仔味！最後一款主菜係鵪鶉脾意大利飯，應該係全世界家禽類最細既脾隻脾仔煎得好
環境營造出一種好詭秘既感覺，一岀電梯真係嚇咗嚇，暗黑既燈光，仲有個放住女巫袍既衣櫃係面前，再入一個門先到餐廳~
今晚有2個set可以揀，每個set(價錢不同)都可以揀5個courses 或者3courses. 咁我就一個set 揀咗5 courses ($450) 另一個揀 3course($350)。
頭盤分別有馬賽海鮮湯，咸咸地又好清甜既湯，煮住蜆肉同青口，仲有一舊煎香咗既魚塊，好有法式既味道。另一個湯係粟子忌廉湯，用淆咗好耐既雞湯同粟子蓉一齊煮，成個湯好濃好稠，栗子同雞味都好岀，飲落唔錯最後一款係西班牙鬆脆配鵝肉醬，鵝肉食落咸咸的，配埋火箭菜同法式多士食都係一種幾開胃既小食。
而主菜都做得十分精緻。有慢煮野生灰鯛魚，唔知係咪因爲野生同煮法既緣固，條魚係好滑好嫩，而塊魚既皮係煎到脆一脆，連埋魚肉食仲正
另一款係慢煮法國黃雞胸，係用不足100度既慢火煮好多個鐘。所以肉質係估佢唔到咁滑。唯獨少少美中不足係入面好似未完全熟透。但讚既係旁邊既自製薯蓉係好滑仲要超重薯仔味！
最後一款主菜係鵪鶉脾意大利飯，應該係全世界家禽類最細既脾隻脾仔煎得好味，食落好滑，配埋下面既野菌意大利飯，煙煙韌韌口感不錯。
到甜品時間~焙茶芝士餅。茶味同芝士味恰到好處，加上甜品底部有洛神花醬，酸酸地，中和到甜品既甜味，成舊蛋糕都食得哂~
張貼
