影片
更多
2021-07-31
6839 瀏覽
約咗啲長輩朋友食晚飯，所以揀間懷舊小小嘅酒家，位於佐敦倫敦廣場，叫新新酒家，地點超方便。為咗唔想慢慢揀，我哋點咗個四人全包套餐：有雞有魚有龍蝦，仲有呢度嘅招牌菜金錢雞。首先上枱嘅就係金錢雞，上枱時仲微熱，金錢雞其實冇雞，只係有一層冰肉，即係肥肉，一層雞潤同一層薄叉燒或者豬頸肉，但呢個組合簡直就係邪惡軸心，濃味香味油脂味集於一身，食一件就啱啱好。跟住到半隻香妃雞，雞食得出有藥材浸過嘅香味，雞肉好嫩滑，雞皮中間仲有少少一層啫喱狀，正。之後嘅海皇羹上枱時夠熱，足料，好飲。上湯龍蝦伊麵底，個味道唔錯，蝦肉都夠四人分，但個汁再杰身啲就仲好。然後到一魚兩食，包括翡翠炒龍躉球及蒜香蒸頭腩。前者炒得夠鑊氣，西蘭花亦爽口。後者鍾意啜骨嘅就唔啱哂，而且蒜蓉落得夠，但又唔會蓋過咗魚本身應有嘅鮮味。最後上嘅蟹籽海皇炒飯，非常足料，但已經太飽，每人只吃了半碗，食淨就打包。而甜品仲有壽包，餡料係蓮蓉，雖然已經超飽，但甜品用第二個胃係可以食得落嘅🤪整體而言餐廳位置方便，四人餐超抵食，每人都係二百幾蚊，仲食淨可以打包，唔怪得當晚幾乎坐滿人，下次約朋友再試另外一啲餐先👍
為咗唔想慢慢揀，我哋點咗個四人全包套餐：有雞有魚有龍蝦，仲有呢度嘅招牌菜金錢雞。
金錢雞
58 瀏覽
1 讚好
0 留言
40 瀏覽
0 讚好
0 留言
首先上枱嘅就係金錢雞，上枱時仲微熱，金錢雞其實冇雞，只係有一層冰肉，即係肥肉，一層雞潤同一層薄叉燒或者豬頸肉，但呢個組合簡直就係邪惡軸心，濃味香味油脂味集於一身，食一件就啱啱好。
跟住到半隻香妃雞，雞食得出有藥材浸過嘅香味，雞肉好嫩滑，雞皮中間仲有少少一層啫喱狀，正。
之後嘅海皇羹上枱時夠熱，足料，好飲。
上湯龍蝦伊麵底，個味道唔錯，蝦肉都夠四人分，但個汁再杰身啲就仲好。
然後到一魚兩食，包括翡翠炒龍躉球及蒜香蒸頭腩。前者炒得夠鑊氣，西蘭花亦爽口。後者鍾意啜骨嘅就唔啱哂，而且蒜蓉落得夠，但又唔會蓋過咗魚本身應有嘅鮮味。
最後上嘅蟹籽海皇炒飯，非常足料，但已經太飽，每人只吃了半碗，食淨就打包。
而甜品仲有壽包，餡料係蓮蓉，雖然已經超飽，但甜品用第二個胃係可以食得落嘅🤪
整體而言餐廳位置方便，四人餐超抵食，每人都係二百幾蚊，仲食淨可以打包，唔怪得當晚幾乎坐滿人，下次約朋友再試另外一啲餐先👍
張貼
