影片
更多
2025-01-20
1136 瀏覽
雖然喺灣仔區嘅餐廳好多但如果喺一啲重要嘅工作場合要宴客或者想同一啲重要嘅人食一餐有水準嘅飯拎得出手嘅餐廳雖然都有但impress到人嘅我會覺得係呢一間嘞雖然話呢間係新餐廳但菜式嘅精緻程度同埋服務嘅質素都完全係可以用老練唻形容茶我好隨便咁揀咗香片但上枱嘅春毫香片比平時飲開嘅香好多 感覺比一般嘅香片輕盈醇和 比一般香片 冇嗰份澀味 有少少回甘✦ 江西豆腐配金沙白飯魚 呢兩款前菜都係俾你試到個味係開胃、口感係香脆，但唔會令你有飽感，亮點係咸蛋黃鹹香、白飯魚酥脆✦ 大宅佛跳牆 呢款都算係經典嘅中式傳統高級菜式，靚嘅鮑參翅肚瑤柱冬菇鵪鶉蛋只係肉眼可以見到嘅食材，背後燉煮高湯嘅食材仲有一大堆，所有呢啲貴價食材，經過嘅繁複嘅處理，濃縮到一個細細嘅燉盅，長時間控制住火候嘅燉煮，可以睇得出嘅係，廚師對火候同時間做咗好精準嘅控制，神奇嘅地方係，咁多唔同嘅食材擺埋一齊，都唔會有任何一款過老，湯嘅濃郁，係唻自食材嘅味道而唔係調味料，真係每一啖都係精華。食落去冇誇張，真係會有啲感激嘅feel。✦ 蟹黃銀針燴玉帶 上一道菜係深藏不露嘅功架嘢，呢道就係霸氣外露型，蟹黃同大大粒刺身級嘅帶子，賣相光鮮亮麗。一上枱已經好
但如果喺一啲重要嘅工作場合要宴客
或者想同一啲重要嘅人食一餐有水準嘅飯
拎得出手嘅餐廳雖然都有
但impress到人嘅
我會覺得
係呢一間嘞
雖然話呢間係新餐廳
但菜式嘅精緻程度
同埋服務嘅質素
都完全係可以用老練唻形容
茶我好隨便咁揀咗香片但上枱嘅春毫香片比平時飲開嘅香好多 感覺比一般嘅香片輕盈醇和 比一般香片 冇嗰份澀味 有少少回甘
✦ 江西豆腐配金沙白飯魚
江西豆腐 金沙白飯魚
13 瀏覽
0 讚好
0 留言
呢兩款前菜都係俾你試到個味係開胃、口感係香脆，但唔會令你有飽感，亮點係咸蛋黃鹹香、白飯魚酥脆
✦ 大宅佛跳牆
大宅佛跳牆
8 瀏覽
0 讚好
0 留言
大宅佛跳牆
0 瀏覽
0 讚好
0 留言
呢款都算係經典嘅中式傳統高級菜式，靚嘅鮑參翅肚瑤柱冬菇鵪鶉蛋只係肉眼可以見到嘅食材，背後燉煮高湯嘅食材仲有一大堆，所有呢啲貴價食材，經過嘅繁複嘅處理，濃縮到一個細細嘅燉盅，長時間控制住火候嘅燉煮，可以睇得出嘅係，廚師對火候同時間做咗好精準嘅控制，神奇嘅地方係，咁多唔同嘅食材擺埋一齊，都唔會有任何一款過老，湯嘅濃郁，係唻自食材嘅味道而唔係調味料，真係每一啖都係精華。食落去冇誇張，真係會有啲感激嘅feel。
✦ 蟹黃銀針燴玉帶
蟹黃銀針燴玉帶
9 瀏覽
0 讚好
0 留言
上一道菜係深藏不露嘅功架嘢，呢道就係霸氣外露型，蟹黃同大大粒刺身級嘅帶子，賣相光鮮亮麗。一上枱已經好香，口感係湯羹嘅口感，加上吸收咗湯汁嘅銀針粉，鮮味但唔會軟爛，又係一種恰到好處。
✦ 20年古月龍山花雕蛋蒸虎蝦球
20年古月龍山花雕蛋蒸虎蝦球
7 瀏覽
0 讚好
0 留言
蒸蛋冇人未食過，但係可以令到蒸蛋變成一款高級菜式，就係心思同功架。我冇懷疑過個蒸蛋會有幾嫩，虎蝦會有幾大隻彈牙。個心思位係花雕，本身蒸蛋火候係最大難度，我諗落花雕蒸，應該係另一個難度。用靚花雕蒸蛋原來係咁，甜啦，醇啦，另一個層次嘅香。簡單但又好難忘記嘅味道。
✦ 拔絲咕嚕肉
拔絲咕嚕肉
69 瀏覽
0 讚好
0 留言
間間酒樓都有嘅菜式，但都係要搵啲位impress人，掛汁得唻流暢，酸酸甜甜，外脆內香，呢啲基本。菠蘿甜之餘肉質嫩，落馬蹄有畫龍點睛feel，個清爽感即刻攞返個平衡，每樣都切到一口size，人客食嘢時候都仲可以保持優雅，好細心。
✦ 香煎一夜鮮麒麟魚
香煎一夜鮮麒麟魚
8 瀏覽
0 讚好
0 留言
香煎一夜鮮麒麟魚
18 瀏覽
0 讚好
0 留言
第一次食麒麟魚，最特別係佢魚鱗燙到企身，之前淨係食日式omakase時見過相似處理，魚鱗脆，但魚肉仍然係鮮嫩。
✦ 蝦子花膠濃雞湯拌菜苗手工拉麵
蝦子花膠濃雞湯.拌菜苗.手工拉麵
6 瀏覽
0 讚好
0 留言
真係好明白點解每道菜都要好精緻咁一道一道上，因為淨係聞佢地嘅香氣嘅一刻已經開始享用緊呢道菜，你絕對唔會想幾道菜嘅香氣混埋一齊。提到呢度，真係要講，時間控制又係老練。完全睇唔出係新餐廳。
呢道菜香味應該係最搶嘅一道，代表佢個雞湯真係濃郁，配蝦子又係一個心思操作，未食到呢到菜已經知，麵一定彈牙，花膠一定靚料厚身，但值錢地方係配搭，蝦子提升鮮味真係一絕，菜苗個刀工又係細緻，唔認真睇會以為佢係麵嘅一部分，但同時佢又令整體清新解膩咗。
✦ 芋茸燉鮮奶
芋茸燉鮮奶
28 瀏覽
0 讚好
0 留言
綿密、順滑、香，我諗睇到呢度對廚師對火候嘅控制冇懷疑。其實我覺得呢款甜品係廚師好有信心先會咁出，因為食材係常見食材，但佢作為一款甜品，即係佢上枱係壓軸出場，食完咁多山珍海味之後廚師覺得你仍然會試佢呢款芋茸燉鮮奶，要加啲色水嘢令佢個名好聽，或者令佢好似好豐富、賣相好靚，其實好容易，但廚師就係知冇需要，知less is more，夠膽就咁叫芋茸燉鮮奶，咁你明呢款甜品有幾勁。
張貼
