The Salted Pig (新都會廣場) (已結業)

星期六去新都會行完商場購物完，去左依間餐廳食。疫情下無左晚市，見店內食客不多環境開揚，趁機嘆個午餐relex下真係唔錯。餐廳設有午市套餐供應，包左餐湯/沙律及餐茶，轉特式飲品加$38，另加$20仲可點是日甜品。沙律（跟餐）新鮮爽脆份量都幾多。南瓜湯（跟餐）口感綿密味道ｏｋ，天氣關係好快凍，真係要趁熱飲。招牌德國鹹豬手 $328一公斤德國鹹豬手足以二人享用，配菜有酸菜、烤薯、蜜糖甘蔗及芥末籽忌廉汁。豬皮有炸少少脆口，肉質不鞋味道不鹹不膩，沒有沾芥末汁已夠美味。牛油帶子蕃紅花意大利飯、菠菜、巴馬臣芝士 $188意大利飯飯粒粒分明好掛汁滿充牛油香，菠菜好淋，半生熟帶子口感軟腍彈牙，都幾好食。朱古力心太軟、雲尼嗱雪糕 $88外皮脆脆，切開流心朱古力湧出，配埋雪糕冷熱交融確好味道，需時約15分鐘準備，所以記得提早下單。 藍莓芝士忌廉奶昔（+$38）飲落順喉果味清新，莓味夠濃無藥水味，好飲。Oreo曲奇朱古力忌廉奶昔（+$38）香濃朱古力味，同忌廉非常搭配，大大杯飲多幾啖唔會厭。