函館元祖北海道拉麵

營業中

休息中

本身嚟鰂魚涌唔係食呢間，係呢度book 咗兩間，一間早上訂，下午收到sms話系統問題，係無位的。跟住訂另一間，當我在途中就收到電話，又係個句，激死我倆！所以決定到咗鰂魚涌先搵食，見到呢間，其實之前都成日有路經但都無試過，見仲有位就入去一試！點知⋯⋯食物都幾一般，女友個帶子飯直頭要打❌！ 我碗鹽味檸檬拉麵都正常，開頭夠熱，個啖湯都幾好味，不過⋯⋯食食吓都係一般，個湯太咸，兩塊叉燒都遍細🧐女友碗滑蛋牛油帶子飯⋯⋯一望，都幾失望，白雪雪唔吸引之餘，仲要係超細粒連埋晒裙邊個種帶子。 食落呢，淡到呢⋯⋯連我咁食得淡都覺得淡，所以女友都食得幾辛苦🤭 幸好，啲帶子都幾鮮味，除此之外都⋯⋯👎🏼👎🏼除咗服務幾好外，其他嘅，我倆都麻麻。。。應該唔會再來了。