影片
更多
2024-07-13
344 瀏覽
今日嚟到屹立尖東海旁多年嘅鐵板餐廳-鐵板超，相信店主係超人迷，因為店內裝飾櫃全部都係超人公仔。前菜餐廳安排咗芥末八爪魚，合桃小魚乾，沙律菜作為前菜。三樣都酸酸甜甜，大熱天時有助開胃。套餐Q $1988(二人前) 店家第一道菜為帆立貝，大大粒好鮮甜，廚師亦冇做過多嘅調味，用鹽，黑胡椒煎香兩邊，之後將佢微微浸泡係海帶汁入面。第二道海鮮為大蝦，詩詩會將蝦頭同蝦身分開煎香，表面焦香，安排嘅蝦膏醬汁伴住大蝦食，鮮味會更加突出！鵝肝配多士相信大家都唔陌生，廚師為咗消除鵝肝帶嚟嘅油膩感，刻意安排咗黑醋點綴同埋菠蘿。令到大家負擔無咁大日本A4和牛厚燒，建議大家揀五成熟，啖啖油香，搭配埋蒜片食就岩岩好！炒雜菜，主要都係芽菜同埋一啲蔥，食完牛肉同海鮮用嚟解膩。！蝦乾蟹籽炒飯，廚師用上大量蟹籽同埋乾蔥，亦都會融入炒香櫻花蝦乾，香味滿溢！蜆肉味噌湯，同其他日本餐廳有別，唔係剩係得味噌鹹味，反而蜆肉鮮甜更為突出！甜品亦都係抹茶同紅豆雪糕二選一！相信味道嚟講係比較罕有，唔淨係雲呢拿味！午市仲有66折，加埋有畫睇
前菜餐廳安排咗芥末八爪魚，合桃小魚乾，沙律菜作為前菜。三樣都酸酸甜甜，大熱天時有助開胃。
套餐Q $1988(二人前)
店家第一道菜為帆立貝，大大粒好鮮甜，廚師亦冇做過多嘅調味，用鹽，黑胡椒煎香兩邊，之後將佢微微浸泡係海帶汁入面。
第二道海鮮為大蝦，詩詩會將蝦頭同蝦身分開煎香，表面焦香，安排嘅蝦膏醬汁伴住大蝦食，鮮味會更加突出！
鵝肝配多士相信大家都唔陌生，廚師為咗消除鵝肝帶嚟嘅油膩感，刻意安排咗黑醋點綴同埋菠蘿。令到大家負擔無咁大
日本A4和牛厚燒，建議大家揀五成熟，啖啖油香，搭配埋蒜片食就岩岩好！
炒雜菜，主要都係芽菜同埋一啲蔥，食完牛肉同海鮮用嚟解膩。！
蝦乾蟹籽炒飯，廚師用上大量蟹籽同埋乾蔥，亦都會融入炒香櫻花蝦乾，香味滿溢！
蜆肉味噌湯，同其他日本餐廳有別，唔係剩係得味噌鹹味，反而蜆肉鮮甜更為突出！
甜品亦都係抹茶同紅豆雪糕二選一！相信味道嚟講係比較罕有，唔淨係雲呢拿味！
午市仲有66折，加埋有畫睇
張貼
