影片
更多
2021-02-09
50 瀏覽
之前過嚟荔枝角買嘢嘅時候見到好多人介紹呢一間日式關東煮店，事關都幾耐冇去旅行啦都好想試吓佢嘅關東煮就過嚟呢一度買個返去當lunch食。介紹翻呢間野先，佢呢一間舖都係屬於喺攻下裏面，個入口真係唔係太過容易搵，而且入口都係要經過停車場先入到去，所以都要花少少時間去搵搵㗎！當我上到去嘅時候睇吓佢嘅介紹，原來佢呢一度主打係廚師發板關東煮，價錢亦非常之驚喜只不過係$55就可以自選七至八件關東煮，配上15穀飯及炸雞兩件，性價比非常之高， 15穀飯本身配上加入花椒及辣椒煮過嘅蘿蔔絲及魷魚絲，非常之嘢未，在本想佢嘅關東煮汁去食呢一個飯，佢話非常之一流！我亦問過佢個汁有啲乜嘢特別，佢話因為呢一個汁係用咗大量炒香嘅甜蝦頭製作，鮮味十足，再加埋堅魚湯及其他配料則不斷以細火煮熱，並且重複隔走雜質，每日加入新鮮嘅湯入光中，令到個湯底越嚟越濃！而老闆亦因為疫情嘅緣故比較難選擇交Pro，所以就轉移一間攻下裏面做外賣生意，呢一個老闆名叫石川先生，已經喺香港住咗20年，本身係從事貿易生意，但因為疫情嘅打擊令生意大受影響，所以轉移過嚟佢最拿手嘅關東煮俾大家試一下日本嘅感覺！都講咗好多一下啦，都係時候介紹吓佢嘅食物啦！首先
之前過嚟荔枝角買嘢嘅時候見到好多人介紹呢一間日式關東煮店，事關都幾耐冇去旅行啦都好想試吓佢嘅關東煮就過嚟呢一度買個返去當lunch食。
介紹翻呢間野先，佢呢一間舖都係屬於喺攻下裏面，個入口真係唔係太過容易搵，而且入口都係要經過停車場先入到去，所以都要花少少時間去搵搵㗎！當我上到去嘅時候睇吓佢嘅介紹，原來佢呢一度主打係廚師發板關東煮，價錢亦非常之驚喜只不過係$55就可以自選七至八件關東煮，配上15穀飯及炸雞兩件，性價比非常之高， 15穀飯本身配上加入花椒及辣椒煮過嘅蘿蔔絲及魷魚絲，非常之嘢未，在本想佢嘅關東煮汁去食呢一個飯，佢話非常之一流！
我亦問過佢個汁有啲乜嘢特別，佢話因為呢一個汁係用咗大量炒香嘅甜蝦頭製作，鮮味十足，再加埋堅魚湯及其他配料則不斷以細火煮熱，並且重複隔走雜質，每日加入新鮮嘅湯入光中，令到個湯底越嚟越濃！
而老闆亦因為疫情嘅緣故比較難選擇交Pro，所以就轉移一間攻下裏面做外賣生意，呢一個老闆名叫石川先生，已經喺香港住咗20年，本身係從事貿易生意，但因為疫情嘅打擊令生意大受影響，所以轉移過嚟佢最拿手嘅關東煮俾大家試一下日本嘅感覺！
都講咗好多一下啦，都係時候介紹吓佢嘅食物啦！首先係佢嘅炸雞柳，佢真係即叫即炸， 拎上手已經覺得好香，而且味道跳得非常之好好有雞味！
再講下佢嘅15穀飯，其實呢一個飯都係第一次聽，佢呢一間野主打健康嘅，食落去真係有好多唔同嘅微粒，口感真係唔錯，我都幾鍾意呀！再加上佢嘅蘿蔔絲同埋魷魚絲做配菜，好彩有麻香味，真係好好食！
之後就要講吓主角關東煮啦，佢配左幾個配菜俾我，包括白蘿蔔，北海道黃色薯仔，日本魔芋，雞蛋，年糕福袋，豆腐同埋墨魚丸，每一樣野都好入味，特別佢嘅福袋年糕咬落去就包關東煮嘅汁，不過最驚喜嘅係北海道黃色薯仔，佢唔係一個普通薯仔咬落去真係好甜好似番薯咁樣，亦都有香香嘅薯仔味，呢一個真係好正真係可以話第一次試呀！
不過有一樣野我又想講吓嘅，因為佢呢一個湯底個味道都算幾好，而且個汁都比較重堅魚同埋甜蝦頭，所以有朋友食落去佢覺得有啲重口味嘅，我覺得佢個汁真係有啲似茶漬物嗰個味道，其實都算一個幾高檔嘅味道，但係我覺得唔係個個人都收到，並且份量都比較多嘅時候真係會令一啲唔係好鍾意魚腥味或者海鮮嘅腥味嘅人來講算係一個比較卻步嘅選擇嚟嘅，希望佢哋可以再改善一下佢呢一個湯底啦令到更多香港人接受到佢嘅！
張貼
