影片
更多
2021-02-18
1206 瀏覽
係太和中心附近本身已經有唔少餐廳，而且每間都有捧場客，所以呢度飲食業既競爭相當大，但偏偏仍然有餐廳係呢個疫情期間，係呢個地段開店，估計店主應該對自己既食物相當有信心。由於係新店，所以食評唔多，雖然只有幾個食評，但都睇得出食客對佢既食物同服務都讚不絕口，更有食客話佢一定會紅!! 講到咁，我就梗係趁佢未出名，拿拿臨去試啦!!餐廳唔係好大，只有12個位，閒日LUNCH時間已經有6個位比人訂左，我同友人係岩岩好唔洗等位，如果遲多幾分鐘，可能就要等半個鐘先有位。首先真係要讚下餐廳既服務，樓面果位男職員真係好好態度，聲線溫柔，說話有禮，為人細心，係度食野你會FEEL到被受重視，可能我太耐無遇到呢個情況，所以印象好深刻。午市套餐選擇唔多，只有5款，另外仲有3款廚師精選扒餐，大概$150-300。我同友人各點左一個SET，另加一個薯條。是日餐湯---大蒜薯蓉湯職員上湯果陣，會講埋湯既名，食客唔洗估估下，真係有種去左高級餐廳既感覺。餐廳好用心，除左用靚湯碗，仲係湯面加上泡泡，真係賞悅目。湯既質地唔會好杰身，食落好有薯感，蒜味唔重，有少許煙肉味。炸薯條 $25望住師傅即炸，個薯條心好熱，但外層唔脆，有點失
由於係新店，所以食評唔多，雖然只有幾個食評，但都睇得出食客對佢既食物同服務都讚不絕口，更有食客話佢一定會紅!! 講到咁，我就梗係趁佢未出名，拿拿臨去試啦!!
餐廳唔係好大，只有12個位，閒日LUNCH時間已經有6個位比人訂左，我同友人係岩岩好唔洗等位，如果遲多幾分鐘，可能就要等半個鐘先有位。
首先真係要讚下餐廳既服務，樓面果位男職員真係好好態度，聲線溫柔，說話有禮，為人細心，係度食野你會FEEL到被受重視，可能我太耐無遇到呢個情況，所以印象好深刻。
午市套餐選擇唔多，只有5款，另外仲有3款廚師精選扒餐，大概$150-300。我同友人各點左一個SET，另加一個薯條。
是日餐湯---大蒜薯蓉湯
大蒜薯蓉湯
11 瀏覽
0 讚好
0 留言
職員上湯果陣，會講埋湯既名，食客唔洗估估下，真係有種去左高級餐廳既感覺。
餐廳好用心，除左用靚湯碗，仲係湯面加上泡泡，真係賞悅目。湯既質地唔會好杰身，食落好有薯感，蒜味唔重，有少許煙肉味。
炸薯條 $25
望住師傅即炸，個薯條心好熱，但外層唔脆，有點失望；份量好多，我飲左個湯同呢個薯條已經開始飽。
我點左香草燒雞配新鮮薯蓉 $88
香草燒雞配新鮮薯蓉
$88
13 瀏覽
0 讚好
0 留言
香草燒雞配新鮮薯蓉
$88
18 瀏覽
0 讚好
0 留言
香草燒雞配新鮮薯蓉
$88
5 瀏覽
0 讚好
0 留言
燒雞脾嫩滑多汁，但胸位就明顯鞋口，調味較輕；而薯蓉係我食過最好味既，食得出係真薯仔，質地比坊間食開既再稀D，口感幾綿，夾雜住少許薯粒增添口感。
友人點左醬燒豬仔骨配新鮮薯蓉 $88
醬燒豬仔骨配新鮮薯蓉
$88
6 瀏覽
0 讚好
0 留言
醬燒豬仔骨配新鮮薯蓉
$88
12 瀏覽
0 讚好
0 留言
醬燒豬仔骨配新鮮薯蓉
$88
5 瀏覽
0 讚好
0 留言
呢個豬仔骨份量都好多，居然有5-6支骨，擺埋盤，有埋焗蒜，價錢都唔過百，真係超值!! 豬仔骨個醬好香好味，豬仔骨都夠淋，不過我同友人都比較中意燒雞多。
由我地企係餐廳門口睇餐牌開始，直到離開餐廳呢短短一小時，我同友人都感受到餐廳既熱誠，無論食物、服務、環境、價錢，我地都相當滿意。
餐廳當日只有兩名職員，一位負責樓面，另一位則負責廚房，加上所有食物都係即叫即整，所以上菜比較慢，心急既朋友真係唔建議黎食，因為美食係需要用心品嘗。
張貼
