鮨玥 (已結業)

今日去西灣河蘇豪區食晚餐，見鮨玥都坐得舒服，又靜靜地。小食鳕魚干，好香口，薄薄地，夠脆，沾上沙律醬好開胃，追住食的零食。朋友鐘意食鱈白子， 叫了個柚子醋清真鱈白子, 原來都好滑，又清甜。燒物必叫燒白鱔，燒至外皮微微脆，好厚身，肉質彈牙。一夜干夠大條，切了一半，起左骨，外脆，肉質彈牙，好鮮甜，又容易食，蘸了酸汁，好味。飲品當然要配杯生啤啦，配燒物係絕配呀！本鮪壽司盛呢度的招牌壽司盛，冇錯，食完都好回味，大拖羅油脂豐厚，入口即溶,中拖羅夠鮮甜。