影片
更多
2024-05-28
29 瀏覽
自從同女朋友喺日本返嚟之後呢兩個禮拜都冇見過，今晚終於就到時間可以見面，對於日本嘅食物意猶未盡嘅我哋揀咗一間日式串燒。佢嘅選擇真係好多，我哋都叫咗好多唔同嘅款式，當中一定唔少得海鮮。先講吓佢呢度最特別嘅係呢個雞皮紫蘇葉虎蝦。佢隻蝦本身好大隻好彈牙，然後個紫蘇葉獨特嘅味道再加埋脆卜卜嘅雞皮，呢一個配搭真係好好味。然後我哋叫咗一隻扇貝，佢個size真係好大，因為我哋兩個一人一半，佢燒到啱啱好，夠晒Juicy，海鮮嘅嘢最重要就係新鮮，要夠新鮮先食到佢嘅鮮甜味。另外我哋叫咗兩隻生蠔，佢呢個生蠔就抵食啦，$48兩隻大大粒脹卜卜，擺落口真係超滿足。然後我哋揀咗一串燒白鱔，佢呢個落咗薑蔥，我味道比較中式，好似蒸魚咁都幾得意，個白鱔都好夠爽脆，好味。然後仲有呢個鰻魚芝士玉子燒，醬汁鰻魚甜甜鹹鹹，芝士又鹹鹹地，外層嘅玉子加咗一層焦糖脆卜卜又甜甜地，成件事好得意，但係又好好味。另一個幾得意嘅係豚肉荔枝卷，中間嘅荔枝係罐頭荔枝，所以都會比較偏甜，不過呢個食法都幾新穎。相比之下呢一個豚肉無花果卷會更加清甜，因為新鮮嘅無花果味道比較淡，能夠更加突出豚肉嘅豬味。然後呢個係松阪豬同埋雞肝，松阪豬我嫌佢佢有少少偏鹹，
佢嘅選擇真係好多，我哋都叫咗好多唔同嘅款式，當中一定唔少得海鮮。先講吓佢呢度最特別嘅係呢個雞皮紫蘇葉虎蝦。佢隻蝦本身好大隻好彈牙，然後個紫蘇葉獨特嘅味道再加埋脆卜卜嘅雞皮，呢一個配搭真係好好味。
然後我哋叫咗一隻扇貝，佢個size真係好大，因為我哋兩個一人一半，佢燒到啱啱好，夠晒Juicy，海鮮嘅嘢最重要就係新鮮，要夠新鮮先食到佢嘅鮮甜味。
另外我哋叫咗兩隻生蠔，佢呢個生蠔就抵食啦，$48兩隻大大粒脹卜卜，擺落口真係超滿足。
然後我哋揀咗一串燒白鱔，佢呢個落咗薑蔥，我味道比較中式，好似蒸魚咁都幾得意，個白鱔都好夠爽脆，好味。
然後仲有呢個鰻魚芝士玉子燒，醬汁鰻魚甜甜鹹鹹，芝士又鹹鹹地，外層嘅玉子加咗一層焦糖脆卜卜又甜甜地，成件事好得意，但係又好好味。
另一個幾得意嘅係豚肉荔枝卷，中間嘅荔枝係罐頭荔枝，所以都會比較偏甜，不過呢個食法都幾新穎。
相比之下呢一個豚肉無花果卷會更加清甜，因為新鮮嘅無花果味道比較淡，能夠更加突出豚肉嘅豬味。
然後呢個係松阪豬同埋雞肝，松阪豬我嫌佢佢有少少偏鹹，不過可能咁啱送酒。但係我想講嘅係佢個雞肝真係好粉嫩好好食，完全係鵝肝入口即溶嘅口感，絕對值得一試。
然後我哋叫咗個免治雞肉釀冬菇，不過佢免治雞肉就比較淋少少，唔似釀其他墨魚滑咁彈牙，加埋冬菇本身都係軟身，所以成嚿就比較腍。
串燒邊度可以少得燒菠蘿，一樣叫咗一串唔使爭，超甜超多汁，最適合做甜品。
另外仲有一個番薯條，佢呢個番薯條炸到外脆內軟，再加埋放咗個牛油喺面，雖然好邪惡，但係勁香，呢個都係好欣賞嘅甜品。
食日式串燒點少得sake，我哋試咗一支真澄，呢隻酒加咗香蕉同埋蘋果，入口嘅時候會比較清甜，啱晒女仔飲。
張貼
