影片
更多
2022-12-05
137 瀏覽
之前經過尖沙咀見到呢間阿杏飯團已經好想食😝 呢日嚟到荃灣又遇到佢 就決定要買嚟試吓 店舖主打台式飯團同台式飲品 我同友人就買咗一人一份飯團加飲品😉芝士鰻魚飯團呢個飯團食得到一件件嘅鰻魚 絕對唔係鰻魚粒嘅大小 真係好足料 仲有生菜 油炸鬼 菜甫同沙律醬做餸😍 配搭埋甜甜地嘅鰻魚汁同芝士 成件事好fusion 既有台式又有日式感覺🤤新宿燒汁牛扒飯團呢個飯團生菜 油炸鬼 菜甫同沙律醬做餸 不過主角就換成牛肉 牛肉食落一啲都唔韌 仲有啲牛味🐄 值得一提呢度嘅飯團用咗紫米 所以打卡都幾靚㗎 紫米口感就比較黏 所以有啲似粢飯嘅😙橙意滿滿呢杯見到一片片嘅橙 飲落真係好橙 仲有少少蜜柑嘅甜味🍊四季檸檬茶呢杯嘅檸檬味幾fresh 酸酸地幾開胃 啱晒配飯團食🍋 兩杯飲品之間個人比較鍾意呢杯呢間阿杏飯團一出荃灣站就係 地點真係夠晒方便 味道又唔錯 下次想食飯團都會再考慮佢😋
之前經過尖沙咀見到呢間阿杏飯團已經好想食😝 呢日嚟到荃灣又遇到佢 就決定要買嚟試吓 店舖主打台式飯團同台式飲品 我同友人就買咗一人一份飯團加飲品😉
芝士鰻魚飯團
呢個飯團食得到一件件嘅鰻魚 絕對唔係鰻魚粒嘅大小 真係好足料 仲有生菜 油炸鬼 菜甫同沙律醬做餸😍 配搭埋甜甜地嘅鰻魚汁同芝士 成件事好fusion 既有台式又有日式感覺🤤
新宿燒汁牛扒飯團
呢個飯團生菜 油炸鬼 菜甫同沙律醬做餸 不過主角就換成牛肉 牛肉食落一啲都唔韌 仲有啲牛味🐄 值得一提呢度嘅飯團用咗紫米 所以打卡都幾靚㗎 紫米口感就比較黏 所以有啲似粢飯嘅😙
橙意滿滿
呢杯見到一片片嘅橙 飲落真係好橙 仲有少少蜜柑嘅甜味🍊
四季檸檬茶
呢杯嘅檸檬味幾fresh 酸酸地幾開胃 啱晒配飯團食🍋 兩杯飲品之間個人比較鍾意呢杯
呢間阿杏飯團一出荃灣站就係 地點真係夠晒方便 味道又唔錯 下次想食飯團都會再考慮佢😋
張貼
