101台式休閒餐廳 (千色匯) (已結業)

🤪小編考完試當日，梗係要即刻食好西。但係，星期四係六點後禁堂食，打亂左食一人一鍋嘅計劃，壽喜燒好吸引。🙈🙈唯有叫養生系列，但原來都唔錯。😋抵食下午茶🥘台灣三杯雞飯$39 （7/10）非常抵食，算係入門版嘅辣味，唔係粵式較有鑊氣嗰種，相對無咁重口味。三杯雞勝在骨唔多，加埋配菜，都夠飽肚。不過，如果你哋非常講求咬口同嫩滑，醉雞會更為適合。🍜藥膳牛肉麵$61 （8.5/10）牛肉啖啖肉，入口腍滑，鎖住藥膳滋補嘅精華。藥膳味濃度適中，容易接受。份量似係特盛，朋友都食唔曬。 🍲台灣藥膳醉雞農場雞飯$49 （7/10）唔知大家有冇習慣用暖湯拌飯呢？熱騰騰，一秒變身成冬天必食嘅湯飯，湯底用杞子、龍眼肉雞肉熬製，配合到淡淡嘅糯米酒味。整體係清新鄉村風味，簡單而滿足。🥬上湯浸時蔬$19估唔到唐生菜同樣走養生路線，加左明目嘅杞子同多種藥材。 🍋柑桔檸檬（加大裝+$5）好有驚喜，完全無諗過咁大杯，望住正常杯量已經覺得係加大左。 最緊要係唔會突登落好多冰，令到份量貌似增多。飲耐左會偏酸，但係一邊食一邊飲，係接受到嘅，大胃王小編好快飲完一杯。另一杯茉莉花茶係正常杯量 ，但一般女仔都未必飲得曬。 101 台式休閒