廚十三老壇酸菜魚 (渣甸街) (已結業)

作為酸菜魚忠實粉絲 當然要試下港版「太二酸菜魚」嘅廚十三啦！❤️酸菜魚分3個size 我地就揀左大size 辣度中辣 酸菜魚可以自己另外選擇配料 非常推介寬粉 土豆片！上枱呢個酸菜魚真係嚇到我 個碟超大 有2個魚頭 應該係完整2條魚嘅份量！魚肉夠爽滑 而且非常入味 不過都幾多碎骨未抽乾淨 食嘅時候要小心d. 配料方面非常抵讚 寬粉好彈牙 唔會太淋 嗦曬d湯好jeng! 雖然舖頭標版「可以飲湯的酸菜魚」但係個人認為對比其他酸菜魚 呢個算比較油 而且咁重口味嘅嘢 都係唔會飲湯… 💙紅糖糍粑呢個真係必必必食！ 外脆內軟 加上黑頭黃豆粉 真係非常解辣！而且份量算多 幾抵食！💚 嘢飲方面全部大部分都係罐裝嘢飲 而且價錢偏貴 $20一支汽水黎講 都真係唔抵… 😅我大概6:00去到 舖頭得1枱客 但係waiter態度非常麻麻地 問去嘢會問翻我轉頭 感覺好唔耐煩 有待加強….