和順記 (兼善里) (已結業)

今日下午茶時間，剛剛經過兼善里附近，記得有間餐廳好出名生炸雞髀，所以就去試吓。店內雖然細但光猛整潔，可能店舖响小巷內時間差不多四點鐘，所以得我哋一枱客，睇到下午茶餐牌都有幾多選擇，睇到有藥膳豬潤麵立即想試試，但係店員話豬潤每日新鮮賣完就冇，所以唯有試雞髀，一款生炸雞髀，一款鹵水雞髀兩款試晒。兩款雞髀都超大隻，鹵水雞髀跟的薯條還分開上完全感受到店家嘅細心，唯獨跟餐嘅凍檸茶及凍奶茶唔夠凍，不過亦好體貼咁俾個冰底我哋加落杯凍飲度，所以我比較喜歡幫襯小店因為夠晒人情味，呢間店舖營業時間祗係上午七點半至下午五點，大家如果想試藥膳豬潤麵最好上午十一點至十二點，或者下午兩點後，因為店家話午市十二點至兩點藥膳豬潤麵係唔供應