반찬앤쿡 Banchan and Cook (時代廣場) (已結業)

喺銅鑼灣行完街又係時候食晚飯，朋友話想食韓國野，於是就上網睇下有乜好介紹，見到喺Times Square嘅Banchan and Cook好多人贊，就去試下la！我地兩個人叫咗三樣野，《明太子慢煮雞肉蛋包飯》慢煮雞胸肉都算嫩唔嚡口，不過就偏鹹。牛肉茄汁嘅炒飯底偏乾冇乜味，要配埋半熟嘅滑蛋就比較好入口。至於個明太子汁就凍冰冰嘅，成件事好似將幾樣唔相關嘅野放埋一齊咁樣《蜜糖無骨炸雞》炸雞嘅肉質係ok嘅，外皮就乾咗d，而蜜糖汁就甜得滯，伴碟嘅薯條就炸得好乾好硬《烤韓國豆腐配泡菜八爪魚》碟餸一上枱我同朋友都對望咗一眼．．．因為同menu上面嘅相好大出入！menu上面嘅八爪魚係一條好似好大條咁嘅，但係實物係得六片好薄嘅八爪魚片！而且八爪魚片好似係烚熟咗再用火槍辣一辣咁，又嚡又無味！豆腐就係正常豆腐la，泡菜亦唔好味，一d辣味都無！百幾蚊食豆腐泡菜+烚八爪魚真係十分唔值！喺網上見到咁多人推介衣間餐廳，本身係滿懷期待嘅，但係最後係非常失望！