八合里牛肉火鍋

營業中

休息中

呢間喺深圳好出名嘅正宗潮汕鮮牛肉火鍋打邊爐店終於喺香港都有得食，以後唔使特登過關，真係覺得好方便！今日一坐低就即刻叫咗一杯鴨屎香檸檬茶，好清新，正！最鍾意呢度啲牛肉夠新鮮，每日屠宰再即日配送，用嘅全部都係真材實料，所以揀選嘅湯底都唔係啲太濃味嘅湯底都已經可以食到佢嘅清甜同新鮮！每次嚟都必定要叫佢哋嘅鮮切肥牛同埋新鮮雪花肉，兩款都好重牛味，勁新鮮，而且薄薄一片，好快就食得！朋友話今次想食健康啲，所以就要咗佢哋個雜菌拼盤，份量都唔少，而且選擇好多，最欣賞呢度嘅蔬菜拼盤完全唔會水汪汪，浸到腍晒，所以有一種清新又新鮮嘅感覺。呢度嘅三色麵都好正，用嚟打卡一流。不過最令我經驗嘅都係佢哋嘅九節蝦！真係超級新鮮，又好大隻喎，爽口彈牙！