影片
更多
2024-12-17
486 瀏覽
呢間位於銅鑼灣嘅餐廳，晚市$298歎到5道菜嘅tasting menu，性價比超高。第一道本灣章紅生魚薄片做得好精緻，魚片切得薄，新鮮度一流，簡單調味突顯魚嘅鮮甜。手拆藍蟹肉多士真係好吸引！啲蟹肉夠鮮甜，多士烘得酥脆，賣相靚又好味😋白酒煮活蜆意粉就更正！啲蜆夠新鮮，個白酒香氣同蜆嘅鮮味好夾，啲意粉煮到al dente。炭燒三黃雞胸配青醬長通粉：雞肉嫩滑，個青醬香濃有層次。炭燒西冷，煮到medium rare，肉質夠嫩，個炭燒香好突出。香煎三文魚柳魚皮香脆，魚肉嫩滑唔會乾身。最後壓軸嘅Tiramisu真係驚喜！層次分明，芝士香滑濃郁，蛋糕又有咖啡香，甜度啱啱好，絕對係我食過最好味嘅Tiramisu之一🩷整體嚟講，呢個價位食到咁多嘢真係抵！每道菜都做得好精緻，賣相同味道都有水準，啲份量都唔會太少。廚師手勢好，用料又夠新鮮，絕對值得一試。餐廳環境幾企理，燈光柔和，氣氛幾浪漫，啲侍應態度又好，好適合約會或者慶祝！
呢間位於銅鑼灣嘅餐廳，晚市$298歎到5道菜嘅tasting menu，性價比超高。
第一道本灣章紅生魚薄片做得好精緻，魚片切得薄，新鮮度一流，簡單調味突顯魚嘅鮮甜。
手拆藍蟹肉多士真係好吸引！啲蟹肉夠鮮甜，多士烘得酥脆，賣相靚又好味😋
白酒煮活蜆意粉就更正！啲蜆夠新鮮，個白酒香氣同蜆嘅鮮味好夾，啲意粉煮到al dente。
炭燒三黃雞胸配青醬長通粉：雞肉嫩滑，個青醬香濃有層次。
炭燒西冷，煮到medium rare，肉質夠嫩，個炭燒香好突出。
香煎三文魚柳魚皮香脆，魚肉嫩滑唔會乾身。
最後壓軸嘅Tiramisu真係驚喜！層次分明，芝士香滑濃郁，蛋糕又有咖啡香，甜度啱啱好，絕對係我食過最好味嘅Tiramisu之一🩷
整體嚟講，呢個價位食到咁多嘢真係抵！每道菜都做得好精緻，賣相同味道都有水準，啲份量都唔會太少。廚師手勢好，用料又夠新鮮，絕對值得一試。
餐廳環境幾企理，燈光柔和，氣氛幾浪漫，啲侍應態度又好，好適合約會或者慶祝！
張貼
