我要烤魚

營業中

休息中

好耐冇食過烤魚，收工又返唔切大陸，聽朋友講銅鑼灣樓上有間烤魚唔錯 ，收工同朋友去試下。7點半入到門口，其實都見到full full地，生意算係唔錯，好鍾意門口塊「研究所」既牌，典型香港人手筆👍侍應好有禮貌帶位 ，再介紹埋餐牌，邊d辣d、邊d可以走辣、邊d多人叫，讚👍周邊簡約又得體既環境好舒服，坐低叫返兩杯啤🍻先第一時間根據口味叫返個酸菜烤魚先，鍾意濃味既朋友記得跟我叫鱸魚🤩大大條魚、多肉有咬口，湯底夠濃、辣、酸，好開胃，298一大條魚+配菜組合，主打菜黎講係非常高性價比。連埋叫左小小串燒一齊上，必試既有燒生蠔同扇貝，特別是扇貝，係菜脯+蒜蓉一齊燒，蒜味夠香之餘，仲有咸辣味菜脯，索索聲，好食之餘仲有口感👍其實食完條魚我地都好飽😅因為真係勁大條勁多肉，不過我地仲叫左封門牛柳、牛柏葉同炸魚皮。牛柏葉配湯底係夾既，因為會索哂d精華。最正係個炸魚皮，應該真係啱啱新鮮炸完嘅，唔係嗰種炸完放咗好耐嘅魚皮，一食落去就知，又要加分👏老實講，可以話係好少見性價比咁高嘅餐廳，叫咗咁多嘢連加一先6xx，其實真係好值得再嚟，服務態度亦絕對唔比內地嘅食肆差，鍾意食烤魚嘅朋友一定要過嚟試吓👍