築地GINDACO (裝修中)

本身我自己係一個章魚燒嘅愛好者，上次咁啱去太古城見到food court可以買章魚燒食，咁啱好肚餓，所以就諗住同朋友一齊買！我哋每人買咗份章魚燒加多個炒麵，章魚燒一個係加木魚、一個係加蛋沙律，對我來講蛋沙律嗰個就冇咁好食，好似同章魚燒格格不入，一個凍一個熱，但係個章魚燒就好好食。章魚燒入邊嘅章魚彈牙可口，而且份量都唔細，亦都唔算好多炒粉，個汁真係好好食，雖然好肥膩但係真係一定要試下！個炒麵都係咁好食，炒麵非常香口，軟硬度適中，再加埋隻蛋真係好好食😍呢個係太古城來講算係平價之選，係糧尾恩物😢