窩子

營業中

休息中

咁岩行啟德新開嘅Sogo, 決定順便黎試一試朋友推介嘅文青小店「窩子」。呢間雖喺係新蒲崗，但其實由啟德果邊行過嚟都係10分鐘到，算係啟德行完街食飯嘅好選擇。店舖內係正常文青小店裝修，坐位都算多，不過8點左右都差唔多坐滿。今次試左個招牌「慢煮手撕豬腩窩夫三文治」，好大一份，足兩人份量而且即烤窩夫好鬆脆，手撕豬腩調好晒味，配原味窩夫岩岩好。另外叫左一個「意式番茄肉丸芝士酥皮薄餅」，呢個Pizza超好味，酥皮底Pizza真係第一次食，滿滿嘅番茄同芝士，一上黎就食到停唔到口，必試！最後仲有份沙律，價錢唔算好平，但勝在夠新鮮同有多幾款生果係入面。